لاہور ( این این آئی) گورنرپنجاب سردار سلیم حیدر خان نے قومی ہیرو ارشد ندیم کے لیے 20لاکھ روپے انعام کا اعلان کر دیا ۔ سردار سلیم حیدر خان نے کہا کہ ارشد ندیم کی وطن واپسی پر ان کو گورنر ہائوس لاہور مدعو کیا جائے گا، ارشد ندیم نے پیرس اولمپکس میں 118سالہ جیولن تھرو کا ریکارڈ توڑ کر تاریخ رقم کی۔
سبز ہلالی پرچم کو دنیا میں بلند کرنے والے قومی ہیرو کو جتنا خراج تحسین پیش کیا جائے کم ہے۔ گورنر پنجاب نے کہا کہ ارشد ندیم نے محنت، لگن اور ہمت سے اولمپکس میں گولڈ میڈل جیت کر نوجوانوں کے لیے مثال قائم کی۔
