لاہور( این این آئی)پاکستان تحریک انصاف کے رہنما ڈاکٹر شاہد صدیق کے قتل کے الزام میں گرفتار بیٹے ملزم قیوم کی گرل فرینڈ کو تفتیش میں کلیئر قرار دیدیا گیا ،قتل کی سپاری کے لئے ایڈوانس اور ریکی کرنے والے مزید تین افراد گرفتار کر لیا گیا ۔پولیس کے مطابق لڑکی کا بیان تفصیلی بیان ریکارڈ کرلیا گیا ، لڑکی کا ڈاکٹر شاہد صدیق کے قتل میں کوئی کردار تاحال سامنے نہیں آیا ۔
لڑکی کے بیان کے مطابق قیوم سے کبھی بھاری رقم کی ڈیمانڈ نہیں کی ،دو بیگز اور ایک انگوٹھی قیوم نے اپنی مرضی سے تحفے میں دی ۔ پولیس کے مطابق ڈاکٹر شاہد کے قتل کی سپاری کا ایڈوانس اور ریکی کرنے والے تین افراد کوگرفتار کر لیا گیا ،ڈاکٹر شاہد قتل کیس میں بیٹے قیوم سمیت گرفتار افراد کی تعداد پانچ ہوگئی ۔ پولیس کے مطابق شوٹر اور مزید ایک سہولت کار کی گرفتاری کی کوششیں جاری ہیں۔
