مکوآنہ ( این این آئی ) غیرت کے نام پر ماں باپ نے بیٹی کو قتل کردیا، پولیس نے ملزمان کو گرفتار کرکے قانونی کارروائی شروع کردی۔ تفصیلات کے مطابق فیصل آباد کے تھانہ چک جھمرہ کے علاقہ چک 188ر۔ب نلے والامیں ذوالفقار نامی شخص نے اپنی بیوی نازیہ بی بی اور دیگر رشتہ داروں زوہیب اسلم، سہیل اسلم اور عامر علی کیساتھ مل کر 19 سالہ لائبہ نورین کو غیرت کے نام پر قتل کردیا۔

پولیس نے لڑ کی کی نعش تحویل میں لیکر پوسٹ مارٹم کیلئے ہسپتال منتقل کر دی۔ پولیس نے جائے وقوعہ سے شواہد اکٹھے کرکے قانونی کارروائی شروع کردی۔ترجمان نے بتایا کہ سی پی او کامران عادل کی ہدایت پر تھانہ چک جھمرہ پولیس نے کا رروائی کرتے ہوئے واقعے میں ملوث 5ملزمان کو 24 گھنٹوں میں گرفتار کر لیا۔گرفتار ملزمان میں زوہیب اسلم،سہیل اسلم،ذوالفقار علی،عامر علی اور نازیہ بی بی شامل ہیں۔