لاہور ( این این آئی) موسم گرما کی تعطیلات کے بعد 32ہزار پبلک سکولوں میں مفت خوراک فراہم کرنے کا فیصلہ ،پی ایم آئی یو نے دودھ،بسکٹ اور بریڈ کی فراہمی کے لئے مختلف کمپنیوں سے کوٹیشن مانگ لی ۔تفصیلات کے مطابق 32ہزار پرائمری سکولوں میں زیر تعلیم 35لاکھ بچوں کو مفت کھانا دیا جائے گا،لاہور کے 765پبلک سکولوں میں مفت دودھ،بسکٹ اور بریڈ فراہم کی جائیں گی،
مختلف کمپنز،فرمز اورادارے پبلک سکولوں میں کھانا مہیا کرنے کے لئے کوٹیشن جمع کرواسکیں گے۔سکول ایجوکیشن ڈیپارٹمنٹ نے تمام ایجوکیشن اتھارٹیز کو مراسلہ جاری کردیا،کوٹیشن پروگرام مانیٹرنگ اینڈ ایمپلمنٹیشن یونٹ کو بھیجوائی جاسکیں گی، محکمہ تعلیم کے مطابق درخواستوں کی سکروٹنی کے بعد پنجاب پبلک سکول میلز پروگرام شروع کردیا جائے گا۔
