اسلام آباد (این این آئی)محکمہ موسمیات نے ملک بھر میں (آج)بدھ سے یکم جولائی کے دوران بارشوں کی پیش گوئی کر دی۔محکمہ موسمیات کے مطابق ہوا کا کم دبائو اس وقت بھارتی گجرات کے جنوب میں ہے، (آج) بدھ کو 26 جون کو بحیرہ عرب اور خلیجِ بنگال سے مون سون ہوائیں ملک کے مشرقی علاقوں میں داخل ہوں گی۔سندھ کے مختلف مقامات پر بدھ سے یکم جولائی کے دوران بارش کا امکان ہے، کراچی میں 2 یا 3 جولائی کو بارش ہو سکتی ہے۔27جون سے یکم جولائی کے دوران اسلام آباد، راولپنڈی، لاہور اور دیگر شہروں میں بارش متوقع ہے۔26 سے 30 جون کے دوران بہاولپور، ملتان، خانیوال، راجن پور، رحیم یار خان میں بارش کا امکان ہے۔28جون سے یکم جولائی کے دوران کے پی، گلگت بلتستان، کشمیر میں بارشوں کی پیش گوئی کی گئی ہے۔26سے 28 جون کے دوران لسبیلہ، خضدار، آوران، بارکھان، نصیرآباد میں بارش کا امکان ہے۔