اسلام آباد (این این آئی)وفاقی حکومت پاکستان پیپلز پارٹی کو بجٹ اجلاس میں شرکت کے لیے آمادہ کرنے میں کامیاب ہوگئی۔نائب وزیر اعظم و وزیر خارجہ اسحق ڈار نے پیپلز پارٹی کے رہنمائوں سے ملاقات کی اور انہیں بجٹ اجلاس میں شرکت کے لیے آمادہ کرنے میں کامیاب رہے ۔
قبل ازیں ذرائع نے بتایا کہ پیپلزپارٹی کی پارلیمانی پارٹی کے اجلاس میں اکثریت نے بجٹ اجلاس میں شرکت نہ کرنے کے حق میں کی رائے دی۔اجلاس کے بعد میڈیا سے گفتگو میں رہنما پیپلز پارٹی خورشید شاہ نے کہا کہ حکومت نے ہمیں بجٹ پر بریفنگ دی لیکن مشاورت نہیں کی اور اعتماد میں نہیں جس پر ہمیں تحفظات ہیں۔
