اسلام آباد (این این آئی) وزیراعلی خیبرپختونخوا علی امین گنڈا پور نے عمران خان سے اڈیالہ جیل میں چوتھی ملاقات کی جس میں سیاسی اور پارٹی معاملات پر گفتگو ہوئی ۔ تفصیلات کے مطابق وزیراعلی خیبر پختونخواہ علی امین گنڈا پور نے اڈیالہ جیل میں بانی پی ٹی آئی عمران خان سے چوتھی ملاقات ہوئی، دونوں رہنمائوں کے درمیان ملاقات تقریبا ایک گھنٹہ تک جاری رہی جس میں ملکی سیاسی صورتحال پر بات چیت کی گئی، ملاقات میں پارٹی معاملات پر بھی گفتگو ہوئی۔ذرائع کے مطابق علی امین گنڈا پور نے عمران خان کو خیبرپختونخوا کے معاملات اورفیصلوں پر بھی آگاہ کیا۔