پشاور(این این آئی) وزیر اعلی خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے بانی پی ٹی آئی کی اہلیہ بشری ٰبی بی کے حوالے سے بدھ کو جاری ایک بیان میں کہا ہے کہ بنی گالہ میں ان کی زندگی کو شدید خطرات لاحق ہیں، گزشتہ دنوں ان کے کھانے میں کچھ ملا گیا تھا جس سے انکی طبیعت خراب ہوگئی۔
بیرسٹر ڈاکٹر سیف نے مطالبہ کرتے ہوئے کہا کہ بنی گالہ کا انتظام وانصرام حکومت خیبر پختونخوا کے حوالے کیا جائے۔مشیر اطلاعات کا کہنا تھا کہ بشری بی بی کو توشہ خانہ کے من گھڑت کیس میں گرفتار کیا گیا ہے جبکہ توشہ خانہ کے قیمتی تخائف ڈکارنے والی مریم نواز وزارت اعلیٰ کے منصب پر فائز ہیں۔
