لاہور( این این آئی)وزیراعظم شہبازشریف اور وزیراعلی مریم نوازشریف کی ذاتی رہائشگاہوں پر فول پروف سکیورٹی کیلئے ایلیٹ کمانڈوز تعینات کرنے کا فیصلہ کر لیا گیا۔ایلیٹ فورس کمانڈوز کی ٹیمیں وزیراعلی پنجاب مریم نوازشریف کی رہائشگاہ جاتی امرا ء اور وزیراعظم شہبازشریف کی رہائشگاہ ماڈل ٹائون میں تعینات ہوں گی۔
ایلیٹ کمانڈوز کی چار ٹیمیں ماڈل ٹائون میں وزیراعظم کی رہائشگاہ پر تعینات ہوں گی، ایلیٹ کمانڈوز کی چار ٹیمیں وزیراعلی پنجاب کی رہائش گاہ جاتی امرا ء تعینات کی جائیں گی۔ایڈیشنل آئی جی ایلیٹ فورس پنجاب کی جانب سے فول پروف سکیورٹی کیلئے افسروں کو خط لکھ دیا گیا۔
