منڈ ی بہائوالدین (این این آئی)منڈ ی بہائوالدین میں غربت سے تنگ ماں 2بچوں سمیت نہر میں کود گئی۔ تفصیلات کے مطابق منڈی بہائوالدین کے علاقے چک ڈاڈا میں گھریلو ناچاقی اور غربت کے باعث خاتون نے 2بچوں سمیت نہر میں چھلانگ لگا دی ،ریسکیو 1122نے آپریشن کر کے ماں اور ایک بچے کو زندہ بچا لیا تاہم ایک بچہ جاں بحق ہوگیا، جاں بحق بچے کی شناخت سبحان کے نام سے ہوئی ہے، جس کی عمر 1سال تھی۔علاقہ مکینوں کے مطابق خاتون کا خاوند سے کسی بات پر جھگڑا ہوا تھا، خاتون بچوں کو لے کر میکے آئی اور نہر میں چھلانگ لگا دی ۔