اسلام آباد/پشاور/مظفرآباد(این این آئی)وفاقی دارالحکومت اسلام آباد،راولپنڈی سمیت ملک کے مختلف شہروں میں زلزلے کے جھٹکے محسوس کئے گئے، زلزلے کی شدت 5.3ریکارڈ کی گئی۔خیبر پختونخوا کے مختلف شہروں پشاور، مردان اور کوہاٹ میں زلزلے کے جھٹکے محسوس کئے گئے جبکہ ضلع سوات، ضلع لوئر دیر کیساتھ ساتھ مالا کنڈ میں بھی زلزلے کے جھٹکے محسوس کئے گئے ہیں۔

مظفر آباد، ضلع کرم اور ملحقہ علاقوں، میانوالی اور گردو نواح میں بھی زلزلے کے جھٹکے محسوس کئے گئے۔زلزلہ پیما مرکز کے مطابق زلزلہ 8بجکر 24منٹ پر آیا،ریکٹر اسکیل پر جس کی شدت 5.3اور گہرائی 130کلومیٹر تھی۔زلزلہ پیما مرکز کے مطابق زلزلے کا مرکز ہندوکش ریجن افغانستان تھا۔