میرپور خاص (این این آئی)میرپور خاص میں سول ہسپتال کے احاطے میں خاتون نے بچے کو جنم دے دیا۔ہسپتال کے احاطے میں بچے کو جنم دینے والی خاتون کے ورثاء نے بتایا کہ خاتون زچگی کیلئے ہسپتال آئی تھیں لیکن اسپتال میں جگہ نہیں ملی۔گزشتہ روز اس واقعے کی ویڈیو منظرعام پر آنے کے بعد میئر میرپور خاص نے واقعے کا نوٹس لے لیا۔

میئر عبدالرؤف غوری نے ایم ایس سول ہسپتال سے 24 گھنٹے میں جواب طلب کرلیا۔سول ہسپتال کے ایم ایس ڈاکٹر نصر اللہ کے مطابق خاتون خون کے ٹیسٹ کے لیے جارہی تھیں، راستے میں طبیعت خراب ہوئی۔