اسلام آباد(این این آئی)پی ٹی آئی رہنما اور رکن قومی اسمبلی شیر افضل مروت نے دعویٰ کیا ہے کہ انہیں کسی بھی وقت قتل کیا جاسکتا ہے۔پارلیمنٹ ہائوس کے باہر پی ٹی آئی رہنمائوں کے ہمراہ میڈیا سے گفتگو میں شیر افضل مروت نے دعویٰ کیا کہ ملک کی ایک بڑی سیاسی شخصیت نے بھارتی شہری جندال کے ذریعے ان کے قتل کا منصوبہ بنایا ہے۔
انہوں نے کہاکہ انہیں کسی بھی وقت کہیں بھی قتل کیا جاسکتا ہے،میرے قتل کا منصوبہ پاکستان کی بڑی سیاسی شخصیت نے بنایا ہے۔رکن قومی اسمبلی نے کہا کہ دبئی میں اجرتی قاتلوں کو میرے قتل کیلئے ایک لاکھ ڈالر کی ادائیگی کردی گئی ہے۔
