اسلام آباد(این این آئی)سابق وزیر خزانہ اور مسلم لیگ (ن)کے سینئر رہنما اسحاق ڈار کو وزیر خارجہ بنانے کا فیصلہ کیا گیا ہے۔سرکاری ذرائع کے مطابق اسحاق ڈار وزیر خارجہ ، سابق نگران وزیر خارجہ جلیل عباس جیلانی خارجہ امور کے مشیر اورطارق فاطمی وزیراعظم کے معاون خصوصی برائے امور خارجہ ہوں گے۔ذرائع کے مطابق وزیر اعظم سے سابق نگران وزیر خارجہ اور سیکرٹری خارجہ کی ہونے والی ملاقات میں اسحاق ڈار بھی موجود تھے۔ذرائع نے بتایاکہ ملاقات میں سابق نگران وزیر خارجہ جلیل عباس جیلانی نے نگران حکومت کے دور میں خارجہ امور میں ہوئی پیش رفت کے بارے میں تفصیلی بریفننگ دی۔