اسلام آباد(این این آئی)پاکستان پیپلز پارٹی مسلم لیگ (ن)کے سینئر رہنما سینیٹر اسحاق ڈار کو بطور وزیر خزانہ ذمہ داریاں دئیے جانے پر رضامند ہو گئی اس حوالے سے پیپلز پارٹی کے ایک سینئر رہنما نے بتایاکہ مسلم لیگ ن ڈرائیونگ سیٹ پر ہے اور یہ ان کی صوابدید ہے کہ وہ کسے اپنی کابینہ میں شامل کرتے ہیں۔
پی پی رہنما نے کہاکہ ہم نے کبھی بھی کسی شخص پر کوئی اعتراض نہیں اٹھایا البتہ ہم نے ان کی پالیسیوں پر اعتراض اٹھایا ہے۔ذرائع پیپلز پارٹی کے مطابق حکومت سازی کیلئے مسلم لیگ ن کی جانب سے اسحاق ڈار نے ہی پیپلز پارٹی کی لیڈر شپ سے مذاکرات کیے اور ان کے اور ان کی جماعت کے ہمارے ساتھ ہمیشہ اچھے سیاسی تعلقات رہے ہیں۔
