اسلام آباد (این این آئی)محکمہ موسمیات پاکستان (پی ایم ڈی) کی پیشگوئی کے مطابق 29 فروری تا 2 مارچ 2024تک ملک کے بیشتر علاقوں میں گرج چمک کے ساتھ بارشوں کا سلسلہ متوقع ہے۔ پیش گوئی کے مطاق گوادر، کراچی، حیدرآباد، راولپنڈی، پشاور، مردان، اسلام آباد، ملتان، سیالکوٹ، ناروال اور لاہور میں سیلابی صورتحال پیدا ہو سکتی ہے۔ شدید بارشوں اور برفباری کے باعث بلوچستان، خیبر پختونخواہ، گلگت بلتستان اور آزا د کشمیرکے پہاڑی علاقوں میں لینڈ سلائیڈنگ بھی متوقع ہے۔ ممکنہ لینڈ سلائیڈنگ سے رابطہ سڑکیں متاثر ہو سکتی ہیں۔

متعلقہ صوبائی ڈیزاسٹر مینجمنٹ اتھارٹیز کو ہدایت کی گئی ہے کہ وہ صورتحال کی مکمل نگرانی کریں اور کسی بھی ہنگامی صورتحال سے نمٹنے کے لیے ہمہ وقت تیار رہیں، ممکنہ خطرے سے دوچار علاقوں میں امدادی ٹیموں، اور مشینری کی بروقت دستیابی کی یقینی بنائیں۔ حکام کے مطابق سیاحوں کی حفاظت کو یقینی بنانے کے لیے آگاہی ممکنہ موسمی صورتحال سے آگاہی فراہم کریں۔ حکام کے مطابق سیاحوں سے درخواست ہے کہ سفر کے آغاز سے قبل موسم اور سڑکوں کی صورتحال سے آگاہ رہیں۔