اوکاڑہ (این این آئی) اوکاڑہ میں 14 سالہ گھریلو ملازمہ سے زیادتی کا مقدمہ درج کرلیا گیا، ملزم نے گرفتاری سے بچنے کیلئے ضمانت قبل از گرفتاری کروالی۔ تفصیلات کے مطابق اوکاڑہ کے علاقے گوگیرہ میں 14سالہ گھریلو ملازمہ کو زیادتی کا نشانہ بنا دیا گیا ،ملزم ساتھی کے ہمراہ بچی کو اغواء کرکے تین روز تک زیادتی کا نشانہ بناتا رہا،
پولیس نے واقعے کا مقدمہ درج کرتے ہوئے بتایا ہے کہ پہلے متاثرہ بچی کی عدم موجودگی میں نامعلوم افراد کے خلاف مقدمہ درج کیا گیا، بعد میں متاثرہ بچی کے بیان پر ملزم ارسلان کو نامزد کردیا گیا۔پولیس کے مطابق ملزم ارسلان نے ضمانت قبل از گرفتاری کرالی ہے۔متاثرہ خاندان نے وزیراعلی پنجاب سے نوٹس لینے کا مطالبہ کرتے ہوئے کہا ہے کہ بااثر ملزمان کی جانب سے ڈرایا دھمکایا جارہا ہے۔
