اسلام آباد(این این آئی)پی ٹی آئی رہنما شیر افضل مروت نے کہا ہے کہ اسلام آباد پولیس،ایجنسیوں کی ایما پر رات کو مجھے گرفتار کرنے نہیں بلکہ اغوا کرنے آئی تھی۔الیکشن کمیشن آف پاکستان کے باہر میڈیا سے گفتگو کرتے ہوئے شیرافضل مروت نے کہا کہ مریم نواز جو وزارت اعلیٰ پنجاب کیلئے نامزد ہوئی، وہ خود سیٹ ہار چکی ہیں،گزشتہ رات جو کچھ ہوا،یہی ان کی حقیقت ہے یہ مل بیٹھ کر کھانا چاہتے ہیں، ان لوگوں نے عوام کا مینڈیٹ چوری کیا ہے۔شیر افضل مروت نے کہاکہ اسلام آباد پولیس نے رات گئے میرے گھر پر چھاپہ مارا،مجھے پیغام دیا جاتا کہ ہمارے سامنے پیش ہوں،گھر میں مصلح ہوگر میرے گھر چھاپہ مارا گیا، اسلام آباد پولیس وردی کی صورت میں ایک دہشت گرد پولیس ہے۔