اسلام آباد(این این آئی)الیکشن کمیشن آف پاکستان نے خیبرپختونخوا اور بلوچستان کی صوبائی اسمبلیوں کے مزید 4 ارکان کی کامیابی کا نوٹیفکیشن جاری کر دیا۔منگل کو یہاں جاری نوٹیفکیشن کے مطابق خیبرپختونخوا اسمبلی کے حلقہ پی کے-20باجوڑ ون سے آزاد امیدوار انور زیب خان، حلقہ پی کے-21باجوڑ ٹو سے آزاد امیدوار اجمل خان اور حلقہ پی کے-40مانسہرہ Vسے مسلم لیگ(ن)کے سردار شاہجہاں یوسف نے کامیابی حاصل کی ، بلوچستان اسمبلی کے حلقہ پی بی-9کوہلو سے مسلم لیگ (ن)کے نواب جنید خان مری نے کامیابی حاصل کی۔