صوابی(این این آئی)پاکستان تحریک انصاف کے سینیئر رہنما اور سابق سپیکر قومی اسمبلی اسد قیصر نے کہاہے کہ اس وقت اقتدار منصب کی کرسی پر جعلی وزیراعظم بٹھا نے کیلئے راہ ہموار کی جاررہی ہے ،عوام نے مینڈیٹ پی ٹی آئی کو دیا ہے ،اس لئے عوامی مینڈیٹ کے مطابق وفاق کے علاوہ خیبرپختونخوا اور پنجاب میں بھی پی ٹی آئی حکومتیں بنائے گی ۔اپنی رہائشگاہ واقع موضع مرغز میں میڈیا سے گفتگو کرتے ہوئے اسد قیصر نے کہاکہ حالیہ الیکشن میں ہونے والی دھاندلی کے خلاف ہم نے پوری کمپین شروع کی ہوئی ہے،ہمارا پہلا مطالبہ یہ ہے کہ فارم 45 کے مطابق جو امیدوار کامیاب ہوئے ہیں اسکی نوٹیفکیشن جاری کی جائے اور دوسرا مطالبہ یہ ہے کہ کمشنر روالپنڈی نے الہکشن کے حوالے سے جو انکشافات کئے ہیں اسکی عدالتی انکوائری کروائی جائے ۔

اسد قیصر نے کہا کہ میں پوری پختونخوا کیلئے آواز بنوں گا ، وفاقی حکومت خیبر پختونخوا کے حقوق ادا نہیں کر رہی ، این ایف سی ایوارڈ کے مطابق ہمارے صوبے کو حصہ نہیں دیا جا رہا۔ انہوں نے کہا کہ ہمارے صوبے کا جو نیٹ ہیڈل پرافٹ ہے اسکی ادائیگی نہیں ہورہی ، خصوصاً فاٹا انضمام کے وقت جو حصہ مقرر کیا گیا تھا وہ بھی نہیں دیا جا رہا جس کی وجہ سے اس وقت ہمارے صوبے کے پاس کچھ بھی نہیں ہے۔اسد قیصر نے کہا کہ خیبر پختونخوا کے عوام نے صوبے اور مرکز میں ہمیں مینڈیٹ دیا ہے ،اپنے صوبے کے عوام کی آواز بنیں گا ،سی پیک میں پشاور ڈیرہ اسماعیل خان اور دیر ،چترال موٹر وے کیلئے آواز اٹھائیں گے ، سینٹرل ایشیا ممالک تک ہماری آسان رسائی ممکن ہے اس کیلئے آواز اٹھونگا ۔انہوں نے کہا کہ اپنے صوبے میں کاروبار اور روزگار کی بحالی کیلئے جدوجہد کریں گے ، اس دفعہ بھرپور تیاری اور حکمت عملی سے صوبے کا مقدمہ لڑیں گے ۔انہوں نے کہاکہ ثہم سے بلا چھینا گیا مخصوص نشستوں کیلئے بھی عدالت جایئں گے ، عوام نے مینڈیٹ ہمیں دیا کس طرح کوئی اور وزیر اعظم بنے گا ، ہم عوام میں بھی جایئں گے اور قانونی جنگ بھی لڑیں گے ، وفاق میں بھی تحریک انصاف حکومت بناے گی ۔