اسلام آباد (این این آئی)پاکستان تحریک انصاف کے رہنما علی محمد خان نے کہا ہے کہ کمشنر راولپنڈی لیاقت چٹھہ نے جو بات کی وہ پوری قوم کہہ رہی ہے۔پی ٹی آئی کی پارلیمانی پارٹی کے اجلاس کے بعد میڈیا سے گفتگو کرتے ہوئے علی محمد خان نے کہا کہ کمشنر راولپنڈی نے جو بات کی وہ پوری قوم کہہ رہی ہے، انہوں نے کہا کھل کر دھاندلی ہوئی ہے۔

انہوں نے کہا کہ تحریک انصاف کا مینڈیٹ چھین کر کسی اور کو دیا گیا، ہمارا مینڈیٹ ہمیں واپس کیا جائے۔انہوںنے کہاکہ گزشتہ روز بانی پی ٹی آئی عمران خان سے اڈیالہ جیل میں ملاقات کی تھی، جو شخص 200 روز سے جیل میں ہے اس کا پیغام ہے انتقام نہیں لینا، بانی پی ٹی آئی نے کہا ملک کو استحکام کی طرف لے کر جائیں گے، فتح مکہ ہمارے لیے مشعل راہ ہے اسی کے مطابق چلیں گے۔