کراچی(این این آئی)جمعیت علمائے اسلام سندھ کے جنرل سیکرٹری راشدمحمود سومرونے ریاست کے خلاف ہتھیار اٹھانے کی دھمکی دیتے ہوئے کہاہے کہ مجھے لگتا ہے جے یو آئی والوں کے ہاتھ ووٹ کیلئے نہیں، انقلاب کیلئے بنے ہیں۔

نجی ٹی وی سے گفتگو کرتے ہوئے انہوں نے کہاکہ فضل الرحمان واحد ہیں، جنہوں نے ستائیس سے ستر سال تک کے شخص سے اسلحہ لے کر ووٹ کی پرچی دی۔راشد سومرو نے کہاکہ فضل الرحمان کیساتھ ایسارویہ اختیارکیاجائیگا توراستہ کون ساچھوڑیں گے، جمہوری راستہ نہیں ہوگا تو جے یو آئی کوئی بھی راستہ اختیار کرے گی۔