اسلام آباد (این این آئی)پاکستان تحریک انصاف کے سینئر نائب صدر شیر افضل مروت نے دعوی کیا ہے کہ آصف زرداری گزشتہ روز رات 11 بجے تک مجھ سے رابطے کرتے رہے، پیپلزپارٹی نے عندیہ دیا کہ ہماری ترجیح ن لیگ کے بجائے پی ٹی آئی ہے۔میڈیا سے گفتگو میں انہوںنے کہاکہ پیپلز پارٹی کے شریک چیئرمین آصف زرداری درمیان کے لوگوں کے ذریعے ان سے رابطے کرتے رہے۔

شیرافضل نے کہا کہ پیپلزپارٹی نے عندیہ دیا ہے کہ جو آپ کی سیٹیں ہیں ڈیو پراسس آف لا سے واپس لے لیں، ہم اعتراض نہیں کریں گے۔انہوں نے کہا کہ بانی پی ٹی آئی کا دو ٹوک موقف ہے کہ مینڈیٹ چرانے والوں کے ساتھ مل کر حکومت سازی نہیں کرسکتے، یہ پیش رفت بانی پی ٹی آئی کے نوٹس میں لائوں گا۔