اسلام آباد /لندن (این این آئی)سابق وزیر اعظم اور پاکستان تحریک انصاف کے بانی عمران خان کے بیٹے قاسم خان نے الیکشن نتائج پر ردعمل دیتے ہوئے کہا ہے کہ آپ تمام لوگوں کا بے حد شکریہ جنہوں نے پاکستان تحریک انصاف کو ووٹ دیا۔پوسٹ شیئر کرتے ہوئے قاسم خان نے کہا کہ آپ تمام لوگوں کا بے حد شکریہ جنہوں نے پاکستان تحریک انصاف کو ووٹ دیا، ساتھ ہی قاسم خان نے پاکستان کا جھنڈا بھی اپنے پوسٹ پر شیئر کیا۔

پی ٹی آئی کے بانی کے دونوں بیٹے اس وقت لندن میں والدہ کے ہمراہ رہائش اختیار کیے ہوئے ہیں جبکہ الیکشن سے ایک دن قبل قاسم اور سلیمان کی ایک اور تصویر نے پاکستانی سوشل میڈیا پر سب کی توجہ خوب سمیٹ لی تھی جس میں وہ پاکستان تحریک انصاف کا جھنڈا تھامے ہوئے تھے۔دونوں بیٹوں کی اسی تصویر کو عمران خان کی سابق اہلیہ جمائما خان نے بھی لائک کیا تھا۔