لاہور ( این این آئی) پاکستان مسلم لیگ(ن) کے امیدوار عطا اللہ تارڑ نے لاہور کے حلقہ این اے 127سے پیپلز پارٹی کے چیئرمین بلاول بھٹو زرداری اور پی ٹی آئی کے حمایت یافتہ آزاد امیدوار ملک ظہیر عباس کھوکھر کو شکست دیکر میدان مارلیا۔ لاہور میں قومی اسمبلی کے حلقے این اے 127لاہور 11کے غیر حتمی غیر سرکاری نتائج کے مطابق 337پولنگ اسٹیشنز میں سے 337کا نتیجہ سامنے آگیا ہے۔

غیر حتمی غیر سرکاری نتائج کے مطابق پاکستان مسلم لیگ (ن) کے عطا اللہ تارڑ 98210 ووٹ لے کر کامیاب ہوئے، آزاد امیدوار ملک ظہیر عباس کھوکھر 82230ووٹ لیکر دوسرے نمبر پر رہے ۔جبکہ پیپلز پارٹی کے چیئرمین بلاول بھٹو زرداری تیسرے نمبر پر رہے ۔