جھنگ( این این آئی)نامعلوم افراد جھنگ کے صوبائی حلقہ پی پی 127کے پولنگ اسٹیشن پر دھاوا بول کر بیلٹ باکس اٹھا کر فرار ہوگئے۔جھنگ میں پولنگ کے دوران مسلح افراد نے پولنگ سٹیشن پر دھاوا بولا اور وہاں موجود بیلٹ بکس اٹھا کر لے گئے جبکہ مسلح افراد کی جانب سے پریذائیڈنگ آفیسر کو بھی تشدد کا نشانہ بنایا گیا۔
نجی ٹی وی کے مطابق ہنگامے کی اطلاع ملنے پر ڈسٹرکٹ ریٹرنگ آفیسر اور پولیس کی بھاری نفری پولنگ اسٹیشن پر پہنچ گئی۔پریذائیڈنگ آفیسر نے بتایا کہ آزاد امیدوار کی پارٹی کے سپورٹر بیلٹ بکس اٹھا کر لے گئے ہیں اور باکس میں 500سے زائد ووٹ کی پرچیاں موجود تھیں۔
