لاہور( این این آئی)قید بامشقت کے قیدی بانی چیئرمین پی ٹی آئی کو بھی مسلم لیگ (ن) کے قائد نواز شریف والی سزا مل گئی۔جیل حکام کے مطابق بانی چیئرمین پی ٹی آئی بھی جیل میں اپنے کمرے ( بیرک )کی صفائی ستھرائی اور تزئین و آرائش کا خیال رکھیں گے۔عدالتی احکامات موصول ہونے کے بعد جیل سپرنٹنڈنٹ نے سزا پر عملدرامد کیلئے احکامات جاری کردیئے۔
آئی جی جیل خانہ جات کے مطابق سکیورٹی وجوہات کو مدنظررکھتے ہوئے اپنے ہی کمرے کی تزئین وآرائش وصفائی ستھرائی کی سزا دی گئی ہے۔کوئی دوسری سزا دینے سے سکیورٹی ایشوز بن سکتے ہیں۔مسلم لیگ (ن) کے قائد نواز شریف کو بھی کوٹ لکھپت جیل میں اپنی ہی بیرک کی صفائی کا کام دیا گیا تھا۔
