اسلام آباد( این این آئی) توشہ خانہ کیس میں سزا یافتہ بانی چیئرمین پی ٹی آئی کی اہلیہ بشری بی بی نے اڈیالہ منتقلی کیلئے عدالت سے رجوع کرلیا۔اسلام آباد ہائیکورٹ میں دائر درخواست میں بشری بی بی کی جانب سے بنی گالہ کو سب جیل قرار دینے کا انتظامیہ کا 31جنوری کا نوٹیفیکیشن کالعدم قراردینے کی استدعا کی گئی ہے۔

واضح رہے کہ 31جنوری کو احتساب عدالت کی جانب سے توشہ خانہ رنفرنس میں 14سال قید کی سزا دیئے جانے کے بعد بانی چیئرمین پی ٹی آئی کی رہائشگاہ کو سب جیل قراردیدیا گیا اور ان کی اہلیہ بشری بی بی کو سخت سکیورٹی میں بنی گالا منتقل کر دیا گیا ۔سابق خاتون اول بشری بی بی کیلئے بنی گالا کو سب جیل قرار دینے کا نوٹیفکیشن بھی جاری کردیاگیااورجیل عملہ بھی بنی گالا تعینات کر کیا گیا ۔