لاہور( این این آئی)لاہور کے علاقے نشتر کالونی میں بہنوئی نے اپنی سالی کو قتل کر ڈالا، پولیس نے لاش مردہ خانے منتقل کر کے تحقیقات شروع کر دیں۔پولیس کے مطابق واقعہ کماہاں گائوں میں پیش آیا، جہاں 46سالہ شاہین کو اس کے بہنوئی کاشف نے چھریوں کے وار کر کے بے دردی سے قتل کر دیا اور موقع سے فرار ہو گیا۔

واقعہ کی اطلاع ملنے پر پولیس موقع پر پہنچ گئی، جس نے فرانزک ٹیموں کی مدد سے شواہد اکٹھے کر لئے ہیں۔پولیس کا کہنا ہے کہ ابتدائی تحقیقات کے مطابق واقعہ گھریلو جھگڑے کا شاخسانہ ہے، تاہم مقتولہ کی لاش پوسٹمارٹم کیلئے مردہ خانے منتقل کر کے ملزم کی تلاش کی جا رہی ہے ۔