اسلام آباد (این این آئی) پاکستان تحریک انصاف کے رہنما بیرسٹر گوہر نے کہا ہے کہ سائفر کیس کے فیصلے پر کارکنان مشتعل نہ ہوں، کوئی قانون ہاتھ میں نہ لے۔ہائی کورٹ کے باہر میڈیا سے گفتگو کرتے ہوئے انہوں نے کہاکہ آئین اور قانونی طریقہ کار سے ہٹ کر کیسز کو چلایا جا رہا ہے، جج صاحب نے اپنی طرف سے سوالات کیے، ہم ان سے کیا تواقعات رکھیں؟

بیرسٹرگوہر نے کہا کہ تمام کارکنان اور پی ٹی آئی سے لگائورکھنے والے تحمل کا مظاہرہ کریں، ہمیں سپریم کورٹ اور ہائی کورٹ پر اعتماد ہے۔رہنما پی ٹی آئی نے کہا کہ ہماری توجہ الیکشن سے ہٹانے کی کوشش کی جا رہی ہے، 8 فروری کو سب کا محاسبہ ہو گا۔