اسلام آباد(این این آئی)وفاقی حکومت نے یوم یکجہتی کشمیر کے موقع پر 5فروری بروز پیر کو عام تعطیل کا اعلان کردیا۔کابینہ دویژن کی جانب سے عام تعطیل کا نوٹیفکیشن جاری کردیا گیا جس میں کہا گیاکہ کشمیری عوام سے اظہار یکجہتی کے لئے صبح 10بجے ایک منٹ کے لئے خاموشی اختیار کی جائے گی۔

خیال رہے کہ پاکستان میں یوم یکجہتی کشمیر ہر سال 5 فروری کو منایا جاتا ہے اس دن دنیا کو یہ پیغام پہنچانے کی کوشش کی جاتی ہے کہ جموں و کشمیر کے عوام جو اپنا حق خودارادیت مانگ رہے ہیں وہ ان کا بنیادی حق ہے جو اقوام متحدہ کے چارٹر میں بھی تسلیم کیا گیا ہے۔