لاہور( این این آئی)چینی ماہرین نے بھارت کو لاہور میں بدترین اسموگ کا ذمہ دار ٹھہرا تے ہوئے کہا ہے کہ بھارت کے کول پلانٹ پاکستان میں اسموگ کا سبب بن رہے ہیں۔

تفصیلات کے مطابق چینی ماہرین ماحولیات نے لاہور میں اسموگ کے حوالے سے تازہ ترین رپورٹ جاری کردی۔رپورٹ میں کہا گیا ہے کہ نامیاتی اور غیرنامیاتی ایندھن کا غیر ضروری استعمال، زیادہ نمی، گردوغبار اور گھروں میں جلنے والی گیس بھی اسموگ کے اسباب میں شامل ہے۔چینی ماہرین کے مطابق بھارت کے کول پلانٹ سےآنیوالی ذرات پاکستانی فضا ء کو زہر آلود کررہے ہیں۔