اسلام آباد (این این آئی)محکمہ موسمیات کے مطابق اگلے چوبیس گھنٹے کے دوران ملک کے بیشتر علاقوں میں موسم سرد جبکہ پنجاب اور خیبر پختونخوا کے میدانی علاقوں میں دھند چھائی رہے گی۔

تفصیلات کے مطابق محکمہ موسمیات نے بتایا ہے کہ اگلے 24گھنٹے کے دوران گلگت بلتستان میں چند مقا مات پر بارش اوربرفباری کا امکان ہے ،اسلام آباد ، مری ، بلوچستان اور آزاد کشمیر میں موسم شدید سرد اور خشک رہے گا جبکہ پنجاب ، خیبر پختونخوا اور بالائی سندھ میں شدید دھند چھائی رہے گی۔جبکہ گزشتہ 24گھنٹے کے دوران سکردو میں سب سے کم درجہ حرارت منفی 6ڈگری سینٹی گریڈ ریکارڈ کیا گیا۔