لاہور( این این آئی)لاہور جلو پارک سے سات ہرن چوری ہوگئے ، گزشتہ ہفتے ہرن چوری ہونے کا واقع پیش آیا ۔ نجی ٹی وی کے مطابق لاہور جلو پارک میں 7ہرن غائب ہونے کے بعد تعداد 21سے کم ہو کر 14رہ گئی ہے ۔ہرنوں کی چوری میںبعض سٹاف ممبران کے ملوث ہونے کا شبہ ظاہر کیا جارہا ہے۔رات کے وقت چار وائوچر ڈیوٹی پر تھے ۔

ڈی جی وائلڈ لائف کی جانب چاروں سٹاف ممبران کو معطل کرنے اور جرمانہ کرنے کی ہدایت کر دی گئی ۔نا معلوم افراد کے خلاف ایف آئی آر متعلقہ تھانے میں درج کروا دی گئی۔جنوری 2021 میں بھی لاہور کے سفاری زو سے چار قیمتی ہرن غائب کر دیئے گئے تھے۔