ڈی آئی خان (این این آئی)الیکشن کمیشن کی جانب پی ٹی آئی رہنماء علی امین گنڈا پور کو بوتل کا انتخابی دیئے جانے پر سوشل میڈیا پرطوفان آگیا۔ تفصیلات کے مطابق الیکشن کمیشن کی جانب سے پی ٹی آئی رہنماء علی امین گنڈا پور کو انتخابات میں حصہ لینے کیلئے بوتل کا انتخابی نشان دیا گیا ہے۔
سوشل میڈیا پر اس حوالے سے مختلف تبصرے کئے جارہے ہیں،کئی صارفین نے اسے 2016میں علی امین گنڈا پور کی گاڑی سے مبینہ طور پر برآمد شراب کی بوتل سے جوڑ دیا جبکہ بعض نے کہاکہ الیکشن کمیشن حکام نے گنڈا پور کے ساتھ شرارت کی ہے ۔ واضح رہے کہ علی امین گنڈا پور این اے 44 ڈیرہ اسماعیل خان سے امیدوار ہیں۔
