کوئٹہ (این این آئی)صوبائی دارالحکومت کوئٹہ اور گردونواح میں زلزلے کے شدید جھٹکے محسوس کیے گئے ہیں۔زلزلے کے دور ان شہری کلمہ طیبہ کا ورد کرتے ہوئے گھروں اور دفاتر سے باہر نکل آئے۔زلزلہ پیما مرکز کیمطابق زلزلے کے جھٹکے 11 بج کر 9 منٹ پر محسوس کیے گئے جن کی شدت 4.6 ریکارڈ کی گئی، جبکہ زلزلے کا مرکز 98 کلومیٹر زیر زمین کوہ ہندوکش افغانستان تھا۔

صوبائی ڈیزاسٹر منیجمنٹ اتھارٹی (پی ڈی ایم اے) کے مطابق پی ڈی ایم اے کی ٹیموں اور کنٹرول روم کو فوری طور پر الرٹ کر دیا گیا ہے۔ بتایاگیا کہ کوئٹہ کے نواحی علاقوں جہاں پر دو روز قبل بارشیں ہوئی تھیں، وہاں پر ٹیمیں روانہ ہو چکی ہیں تاہم اب تک کسی جانی یا مالی نقصان کی اطلاع نہیں ملی۔