اسلام آباد (این این آئی)چیئرمین پی ٹی آئی بیرسٹر گوہر خان نے کہا ہے کہ پی ٹی آئی بلے کے علاوہ دوسرے انتخابی نشان پر بھی الیکشن لڑ سکتی ہے۔صحافیوں سے غیر رسمی گفتگو میں بیرسٹر گوہر خان نے واضح کیا کہ تحریک انصاف اینٹی اسٹیبلشمنٹ نہیں ہے۔

انہوں نے کہا کہ فوج ہماری ہے، ملک بھی ہمارا ہے، ہمارا اسٹیبلشمنٹ سمیت کسی سے کوئی جھگڑا نہیں۔چیئرمین پی ٹی آئی نے کہا کہ ان کا کسی ادارے کے سربراہ سے بھی کوئی جھگڑا نہیں ہے۔انہوںنے کہاکہ کسی ادارے یا سربراہ کے خلاف کوئی ایسا بیان نہیں دیا گیا کہ ہمارا جھگڑا ہو۔