اسلام آباد (این این آئی)پاکستان تحریک انصاف کے سینئر رہنما شاہ محمود قریشی کی گرفتاری کے خلاف ان کی صاحبزادی مہر بانو قریشی نے الیکشن کمیشن میں درخواست دائر کر دی ہے۔مہر بانو قریشی نے کہا کہ شاہ محمود قریشی کو غیر قانونی طور پر پابند سلاسل کیا گیا ہے، ہمیں نہیں بتایا کہ انہیں کہاں لے جایا گیا ہے، شاہ محمود قریشی کو اغوا کیا گیا ہے۔

انہوں نے کہا کہ شاہ محمود قریشی کے ساتھ ہونے والا سلوک صاف شفاف اقدامات کو متاثر کر رہا ہے، چیف الیکشن کمشنر اس معاملے پر ایکشن لیں،شاہ محمود قریشی سابق وزیر خارجہ رہے ہیں اور انہوں نے ہمیشہ سب کی عزت کی ہے، پورا پاکستان شاہ محمود قریشی کے ساتھ کیے جانے والے سلوک کی مذمت کر رہا ہے۔