سرگودھا(این این آئی)سرگودھا شہر میں قرآن پڑھنے والی 8سالہ بچی کو استانی کے دیور نے اپنی ہوس کا نشانہ بنا ڈالا، پولیس نے واقعہ کا مقدمہ درج کر کے درندہ صفت ملزم کو گرفتار کر لیا،ڈی پی او نے رپورٹ طلب کرتے ہوئے ملزم کو عبرتناک سزا دلوا کر مظلوم خاندان کو انصاف کی فراہمی کے عزم کا اظہار کیا۔
تفصیلات کے مطابق سرگودھا شہر کے علاقہ مسلم آباد میں 8سالہ بچی دعا بی بی قرآن پاک پڑھنے گئی جہاں استانی کے دیور لیاقت علی نے بچی کو زبردستی اپنی ہوس کا نشانہ بنا ڈالا۔پولیس تھانہ فیکٹری ایریا نے بچی کی ماں کی مدعیت میں واقعہ کا مقدمہ درج کر کے درندہ صف ملزم کو گرفتار کر لیا۔ڈی پی او محمد فیصل کامران نے ایس ایچ او سے واقعہ کی رپورٹ طلب کرتے ہوئے کہاکہ مظلوم خاندان کو انصاف فراہم کیا جائے گا اور پولیس سفاک ملزم کو قرار واقعی سزا دلوانے کے لئے کوئی کسر اٹھا نہ رکھے گی۔
