پشاور (این این آئی)پی ٹی آئی رہنما شیر افضل مروت ایڈووکیٹ کے حلقہ این اے 32 پشاور سے الیکشن لڑنے کا معاملہ تحریکِ انصاف ہی کے رہنما تیمور سلیم جھگڑا اور شیر افضل مروت کے درمیان تنازع کا سبب بن گیا۔سینئر نائب صدر پی ٹی آئی تیمور سلیم جھگڑا نے اس حوالے سے کہا کہ کس نے کہاں سے الیکشن لڑنا ہے، یہ فیصلہ پارٹی نے کرنا ہے۔

انہوں نے کہا کہ بہتر ہو گا کہ پشاور کی نشست پر پشاور کا ہی رہنماء الیکشن لڑے۔اس معاملے پر مرکزی رہنماء پی ٹی آئی شیر افضل مروت نے بتایا کہ مجھے الیکشن لڑنے کا کوئی شوق نہیں ہے۔انہوں نے کہا کہ بانی چیئرمین پی ٹی آئی نے پشاور سے الیکشن لڑنے کا حکم دیا ہے، ان ہی کے حکم پر پشاور سے الیکشن لڑوں گا۔واضح رہے کہ شیر افضل مروت حلقہ این اے 32 پر الیکشن لڑنیکے لیے کاغذات جمع کرا چکے ہیں۔