اسلام آباد/لاہور( این این آئی)پاکستان تحریک انصاف کے انٹراپارٹی انتخابات کالعدم ہونے کے بعدپی ٹی آئی پورے ملک میں 226مخصوص نشستوں کے انتخاب سے باہر ہوگئی۔رپورٹس کے مطابق انٹراپارٹی انتخابات کالعدم ہونے کے بعد تحریک انصاف کو بڑا دھچکا لگا ہے ،تحریک انصاف ملک بھرمیں226مخصوص نشستوں کے انتخاب سے باہر ہوگئی ہے ،پی ٹی آئی قومی اسمبلی میں خواتین کی60،اقلیتوں کی10سیٹوں کے مقابلے سے باہر ہوگئی۔

تحریک انصاف پنجاب اسمبلی میں خواتین کی66،اقلیتوں کی8سیٹوں کی دوڑسے بھی آئوٹ ہوگئی پی ٹی آئی سندھ اسمبلی میں خواتین کی 29،اقلیتوں کی 9 سیٹوں کے لئے نااہل قرار پائی ہے پی ٹی آئی خیبر پختوانخواہ اوربلوچستان میں بھی مخصوص نشستوں کیلئے حصہ نہیں لے سکتی۔