لاہور ( این این آئی) لاہور سے ایک ہفتہ قبل اغواء ہونے والے تاجر کو قتل کر دیا گیا، رانا مظفرحسین کی لاش شرقپور نہر سے مل گئی۔لاہور کے علاقے جوہر ٹائون سے نامعلوم افراد نے تاجر رانا مظفر حسین کو اغواء کرلیا تھا۔تھانہ جوہر ٹائون نے تاجر کے اغوا کا مقدمہ درج کیا تھا تاہم تاجر کو بازیاب کرایا جا سکا اور نہ ہی ملزمان کو گرفتار کیا جاسکا۔ گزشتہ روز رانا مظفرحسین کی لاش شرقپور نہر سے مل گئی ۔
جوہر ٹائون کی جی ون مارکیٹ کے تاجروں نے رانا مظفرحسین کے قتل اور پولیس کے خلاف احتجاج کیا اور دکانیں بند رکھیں، مظاہرین نے قتل کی واردات میں ملزمان کو جلد گرفتار کرنے کا مطالبہ کیا ہے۔
