لاہور ( این این آئی) پنجاب کے محکمہ لائیو اسٹاک کی جانب سے مفید مادہ جانور کو ذبح کرنے پر پابندی عائد کر دی گئی۔نگراں وزیر اعلیٰ پنجاب محسن نقوی کی زیر صدارت لائیو اسٹاک سے متعلق اجلاس منعقد کیا گیا جس میں یہ فیصلہ کیا گیا۔پنجاب حکومت کی جانب سے لائیو اسٹاک سیکٹر کی پیداوار میں اضافے کے لیے ایمرجنسی لگانے کا فیصلہ کیا گیا ہے۔نگراں وزیر اعلی پنجاب محسن نقوی نے لائیو اسٹاک پیداوار اور ایکسپورٹ بڑھانے کے لیے 4 روز میں حتمی پلان طلب کر لیا۔ان کا اجلاس سے خطاب کے دوران کہنا ہے کہ پنجاب میں جانوروں کے بیماریوں سے پاک زون قائم کیے جائیں گے۔محسن نقوی نے کہا کہ سعودی عرب، کویت، امارات میں لائیو اسٹاک ایکسپورٹ کرنے کی بہت گنجائش ہے۔