کراچی(این این آئی)پاکستان پیپلزپارٹی شعبہ خواتین کی مرکزی صدرفریال تالپور سے ضلع لاڑکانہ اور شکارپور کی معروف سیاسی و سماجی شخصیت سردار ذوالفقار خان جیہونے ملاقات کی۔زرداری ہائوس کراچی میں ملاقات کے دوران سردار ذوالفقار خان جیہو نے اپنے خاندان اور ساتھیوں سمیت پی پی پی میں شمولیت کا اعلان کیا۔
میر عرفان علی خان جیہو اور وائس چیئرمین پیر بخش بھٹو رتوڈیرو، زوہیب علی جیہو بھی سردار ذوالفقار خان جیہو کی ہمراہ تھے۔فریال تالپور نے سردار ذوالفقار خان جیہو اور ان کے ساتھیوں کو پارٹی میں شمولیت پر خوش آمدید کہا۔اس موقع پر ڈسٹرکٹ کونسل لاڑکانہ کے چیئرمین و پی پی پی ضلع لاڑکانہ کے جنرل سیکریٹری اعجاز احمد لغاری بھی موجود تھے۔
