قمبر شہداد کوٹ(این این آئی)سندھ کے ضلع قمبر شہداد کوٹ میں سیپکو حکام کی مدعیت میں ڈھائی سالہ بچے پر بجلی چوری کا مقدمہ درج کر لیا گیا۔کمسن بچے کے خلاف مقدمہ درج ہونے کے بعد پولیس کو اس کی عمر کا پتا چلا۔
ڈھائی سالہ بھورل کے خلاف مقدمہ درج ہونے پر سیپکو اور پولیس پریشان ہیں۔پولیس تاحال ملزم کو گرفتار یا کیس کینسل کرنے کا فیصلہ نہ کر سکی۔ ایف آئی آر کے متن کے مطابق گاں خادم سیلرو میں بھورل کے گھر چوری کی بجلی چل رہی تھی۔درج مقدمے کے مطابق کنکشن منقطع کر کے ایس ڈی او شہداد کوٹ کو اطلاع دی جن کے خط لکھنے پر پولیس نے مقدمہ درج کیا۔
