اسلام آباد (این این آئی)سابق وفاقی وزیر فواد چودھری کی اہلیہ حبا بخاری نے دیور پر شوہر سے ملاقات نہ کرانے کا الزام لگاتے ہوئے کہا ہے کہ جیل میں فواد سے ملاقات فیصل چودھری کے کہنے پر نہیں کرائی گئی وہ بھابھی، بھتیجوں کا حق مار رہے ہیں۔ سوشل میڈیا پر اپنے ایک بیان میں حبا چودھری نے کہا کہ آج فواد چوہدری کو عدالت پیش کیا گیا اور پھر اینٹی کرپشن کے حوالے کردیا گیا۔
انہوں نے الزام عائد کیاکہ کل میری اڈیالہ جیل میں شوہر فواد چودھری سے ملاقات نہیں کروائی گئی، یہ سب وکیل فیصل چودھری کے کہنے پر ہوا۔انہوں نے کہا کہ آج بھی مجھے اور میری بیٹیوں کو پیشی سے متعلق کوئی اطلاع نہیں دی گئی، یہ سب فیصل چودھری کی طرف سے کیا جا رہا ہے، ان سے پوچھیں جو بھابی اوربھتیجیوں کا حق مار رہے ہیں۔
