کراچی(این این آئی)سندھ کے سینئر سیاستدان اور سابق وزیراعلیٰ سندھ لیاقت جتوئی نے بھی تحریک انصاف کو خیرباد کہنے کا فیصلہ کرلیا ہے۔ذرائع نے بتایا کہ وہ 9دسمبر کو جی ڈی اے میں شمولیت کا اعلان کرسکتے ہیں۔سابق وزیراعلیٰ سندھ اور تحریک انصاف کے رہنما لیاقت جتوئی نے بھی پارٹی کو خیرباد کہنے کا فیصلہ کرلیا ہے۔

ذرائع نے بتایاکہ لیاقت جتوئی نے اپنے خاندان اور دوستوں کا مشاورتی اجلاس آج طلب کرلیا ہے، اجلاس ان کے آبائی گائوں بیٹو جتوئی میں ہوگا، جس میں لیاقت جتوئی اور ان کے خاندان کے تمام افراد پی ٹی آئی کو خیرباد کہہ دیں گے۔ذرائع نے دعویٰ کیاکہ لیاقت جتوئی نے 9 دسمبر کو دادو میں شیڈول جی ڈی اے کے جلسے میں شمولیت کا اعلان کریں گے۔