اسلام آباد (این این آئی)وفاقی دارالحکومت اسلام آباد میں لہتراڑ روڈ پر فائرنگ سے سابق یوسی چیئرمین جھنگ سیداں سید ابرار شاہ سمیت 4 افراد جاں بحق ہوگئے۔پولیس کے مطابق جاں بحق افراد میں سید علی شیر، رفاقت اور صاحب گل شامل ہیں، واقعہ پرانی دشمنی کا شاخسانہ معلوم ہوتا ہے۔
پولیس کے مطابق واقعے کے دوران سید ابرار شاہ کا بیٹا بھی گاڑی میں موجود تھا، اور گاڑی چلا رہا تھا، ابرار شاہ ساتھ بیٹھے تھے۔پولیس ذرائع کے مطابق ڈرائیور اور گارڈ بھی گاڑی میں موجود تھے، گھات لگائے ملزمان نیاندھادھند فائرنگ کی۔واضح رہے کہ چیئرمین جھنگ سیداں کے بھائی بھی ماضی میں قتل ہوچکے ہیں۔
