لاہور ( این این آئی) انسدادِ دہشت گردی عدالت لاہور نے 9مئی جلاو گھیرائو کے مقدمہ میں 8 پی ٹی آئی رہنمائوں کے ناقابل ضمانت وارنٹ گرفتاری جاری کر دیئے۔

انسدادِ دہشت گردی عدالت کی جج عبہر گل نے پولیس کی درخواست پر سماعت کی۔پولیس نے موقف اپنایا کہ ملزمان کی گرفتاری کے لیے کوشش کی، ملزمان نے خود کو روپوش کر رکھا ہے، ملزمان کے خلاف تھانہ سرور روڈ میں مقدمہ درج ہے۔

عدالت کی جانب سے جن افراد کے وارنٹ گرفتاری جاری ہوئے ہیں ان میں حافظ فرحت، مراد سعید، اعظم خان، حامد رضا، امتیاز احمد شیخ سمیت دیگر شامل ہیں۔