اسلام آباد (این این آئی)نادرا نے سمندرپار پاکستانیوں کیلئے پاکستان میں مقیم کسی بھی شخص کو پاور آف اٹارنی کا اجراء آسان کردیا۔ ترجمان نادرا کے مطابق بیرون ملک مقیم پاکستانیوں کیلئے نادرا کی جدید ترین سہولت کی بدولت پاکستان میں مقیم کسی بھی شخص کو پاور آف اٹارنی کا اجرا انتہائی آسان کر دیا گیا ہے۔
اعلامئے کے مطابق نادرا بیرون ملک پاکستانیوں کیلئے ڈیجیٹل پاورآف اٹارنی جاری کرے گا، جدید ترین سہولت سے پاورآف اٹارنی کا اجرا انتہائی آسان کردیا گیا ہے۔ترجمان نے بتایا کہ پاور آف اٹارنی بنوانے کیلئے پاکستانی مشن آنے کی ضرورت نہیں بلکہ 6آسان مراحل میں ضروری کارروائی کے بعد گھر بیٹھے ڈیجیٹل پاورآف اٹارنی حاصل کی جاسکے گی۔
